ඉර, හඳ, ගස්, ගල්, අව්ව, වැස්ස ස්වභාවධර්මයේ චමත්කාරයන් සුරංඟනාවියන්, රාජ කුමාරයන්, කුමාරියන් ළමා ලෝකයේ සතුට බවට පත්වේ. අප ද නොදැනුවත්ව ම දරුවන් සනසන්නට වස්තු විෂය කොට ගන්නේ ද සමනල්ලු, මල්, තරු, හඳ ආදී ස්වභාවික භූතාර්ථ ම ය. ළමා ගීත බොහෝමයක් එවන් වස්තු ආශ්‍රිතවය නිර්මාණය වී ඇති අතර එය ඉදිරිපත් කරනුයේ ව්‍යංගාර්ථයක් ද සහිතව ය. ඒ තුළින් මිනිස් ස්වභාවය පෙන්වයි සමාජයේ ජීවත් වන හැටි උගන්වයි. මා එවන් වූ ළමා ගීත වල අර්ථ නිරූපණ ඉදිරිපත් කිරීමට බලාපොරොත්තු නොවන අතර ඒ පිළිබඳ මඳක් සිතා බලන්නට ඔබට අවස්ථාව විවර කරමි.
